Шығарындылары төмен аймақ (Low Emission Zone, LEZ)

LEZ — Шығарындылары төмен аймақ ең алдымен ауа сапасын жақсарту және қалалық ортаны сауықтыру үшін қажет. Ол қатаң экологиялық стандарттарға сәйкес келмейтін көліктердің кіруін шектейді.

Аймақ операторы — Алматы қаласы Жол қозғалысы және жолаушылар көлігін ұйымдастыру басқармасының «Алматы паркинг» ШЖҚ КМК (Алматы қаласы әкімдігінің 25.02.2026 жылғы №1/119 Қаулысы).

Ластаушы заттар шығарындыларының деңгейі төмен аймақ келесі көшелердің квадратында белгіленген: Бөгенбай батыр көшесінің оңтүстігінде, Абай даңғылының солтүстігінде, Желтоқсан көшесінің шығысында, Достық даңғылының батысында (Алматы қаласы әкімдігінің 28.04.2026 жылғы №2/267 Қаулысы).

Жобаны іске асырудың негізгі мақсаттары (халықаралық тәжірибе):

• Ауаның ластану деңгейін төмендету. Ескі, «түтіндейтін» көліктердің кіруін шектеу халық тығыз орналасқан аудандардағы зиянды шығарындылар көлемін азайтуға мүмкіндік береді.

• Тұрғындардың денсаулығын жақсарту. Шығарындыларды азайту халық арасында тыныс алу жолдары мен жүрек-қантамыр ауруларының төмендеуіне ықпал етеді.

• «Таза» көлікке көшуді ынталандыру. Аймақтар заманауи экологиялық стандарттарға сай келетін автомобильдерді немесе электромобильдерді пайдалануды қолдайды.

Жобаны іске асыру кезеңдері:

I КЕЗЕҢ

2026 жылғы 1 маусымнан бастап

Аймаққа кіру туралы хабарлама алу.

II КЕЗЕҢ

2027 жылғы 8 қаңтардан бастап

Техникалық тексеруден өтпеген және шығарындылар нормативтеріне сәйкестігін растамаған көлік құралдарын аймақ шегінде пайдалануға шектеулер енгізіледі. Кіруге техникалық тексерудің оң нәтижесі болған кезде ғана жол беріледі.

Анықтама: техникалық тексеру — автокөлік құралының пайдаланылған газдарындағы зиянды заттардың деңгейін және аймаққа кіру деңгейін анықтау мақсатында техникалық байқау желілері жүргізетін рәсім.

Аймақ шегінде көлік құралдарын пайдалану үшін иелеріне қажет:

✓ Автокөліктің техникалық жай-күйін сәйкестікке келтіру.

✓ Техникалық тексеруден міндетті түрде өту.

✓ Шығарындыларды бейтараптандыру жүйесінің міндетті түрде болуы (катализатор).

✓ Алматы қаласының коммуналдық және жеке автопарктері ішкі жану қозғалтқыштарындағы жылжымалы құрамның пайдаланылатын бірліктерін автономды жылыту жүйелерімен немесе электр автомобиль жылытқыштарымен жабдықтауы тиіс.

ℹ Еуро-4 және одан жоғары стандарттардағы дизель отынымен коммерциялық тасымалдау үшін пайдаланылған газдарды тазартуға арналған реагентті сатып алу міндеті белгіленген. Шығыс нормасы: автокөліктің әрбір бірлігі үшін 1000 км жүріске кемінде 15 литр.

Құқық бұзушылықтар бойынша Қазақстан Республикасының Әкімшілік құқық бұзушылық туралы кодексіне сәйкес әкімшілік шаралар

324-бап. Қоршаған ортаны қорғау жөнiндегi санитариялық-эпидемиологиялық және экологиялық талаптарды бұзу

Қоршаған ортаны қорғау жөнiндегі санитариялық-эпидемиологиялық және экологиялық талаптардың нормаларын, сондай-ақ гигиеналық нормативтердi бұзу:

Ескерту жасауға немесе мынадай мөлшерде айыппұл салуға әкеп соғады:

• Жеке тұлғаларға 10 АЕК

• Лауазымды адамдарға, шағын кәсiпкерлiк субъектiлеріне 15 АЕК

• Орта кәсiпкерлiк субъектiлеріне 20 АЕК

• Ірі кәсiпкерлiк субъектiлеріне 100 АЕК

Маңызды: Лауазымды адамдардың қоршаған ортаны қорғау жөнiндегі белгіленген нормаларды арттыруға немесе төмендетуге нұсқаулар немесе рұқсаттар беруi 25 АЕК мөлшерiнде айыппұл салуға әкеп соғады.

334-бап. Шығарындыларда ластаушы заттардың болу нормативтерінен асыра отырып, көлік құралдарын пайдалану

Шығарындыларда ластағыш заттардың болуы, сондай-ақ олардың жұмыс iстеуi кезiнде шығатын шудың деңгейi белгiленген нормативтерден асатын автомотокөлiк құралдарын және басқа да жылжымалы құралдар мен қондырғыларды пайдалану:

Бірінші рет бұзылған кездегі айыппұл:

• Жеке тұлғаларға 10 АЕК

• Заңды тұлғаларға 100 АЕК

Әкімшілік жаза қолданылғаннан кейін бір жыл ішінде қайталап жасалған әрекет:

• Жеке тұлғаларға 20 АЕК

• Заңды тұлғаларға 200 АЕК

Сұрақтар туындаған жағдайда нөмірге хабарласыңыз:

+7 (727) 390 8000

info@almaty-parking.kz

Алматы қаласы